"জুমবলা"

ছড়া উজোনি যাঙঅর মুই, 
সিক হারি হারি।
তানজাং অত্তুন পানি পড়ের, 
জড় জড় গুরি।
আত্তে আত্তে জিড়েবাত্তেই, 
ছড়া পারত বুজিলুঙ।
তান জাঙ অত্তুন পানি হেনেই, 
পরানান জুড়েলুং।
মঅ জুমান আর বেজ দুরত নেই, 
হাক্কে লুঙিম বোই।
মোনো ঘরত চানত বোই নেয়, 
দাবা তানিম বোই।

"হুলি"

আগা যেইনে পাদি দিগোই পাইনা গাত্তুরে।
আওজে হিয়ি জিনিজ আনি ফেলে দিবার চিত পুরে।
আদিক্কি গুরি সেভেন আপ হেনে আমুত্ত্যি গুরি রয়ি।
আম এক্কু পদত পেইনে পজা গান উ হিয়ি।
পাগানা রোদোত ছাদিবু লয় তে বগলা চিবেত গুরি।
সেন্দেল আদত লোইনে তে যাই হাদা অুরি অুরি।
ভাত হায়  পেদ উনু, হিয়ি শুগুনি দঅক্।
হুলি হুলি দাগি তারে ইজ্জত মারন হদক।
তা মোক্কুরে নিত্তু তে, হদালোই যাদি মারে।
তোনোত মিজেল হেনে দিবু, সিগেই দিদু তারে।
বেরমা সিরেট সুদো বানি, তোনোত দুবেই তুলিজ।
এক নক সিদোল লোইনে, তোনো তাবাত গুলিজ।
তা মোক্কু অয়ি নুদি নাত্যি, চদক গত্ত ভারি।
মানা গল্লে হানিদু তা মোক্কু, হদাদি ন পারি।

“মাত্তল্যির উজ্”"

ফাগুনো আবা ফিরের, মিডে বুয়ার বার।
রোদোত বোইনে আগং মুই, গরের এক্কা জার।
আবা লগে জুরে যার, গদা হিয়েগান।
গম লাগের ভারি গরি, বিড়ির মিদে টান।
মদ হিয়ঙ এক জয়া, মাদাবু এক্কা গুরার।
দুগর হদা ইদত উদি, বুক্কু জুলি যার।
জুরবো জুরবো চোগে দেগঙ, মিলে এক্কু এজের।
ফাগুন মাজর আবা লগে, তা চুলানি নাজের।
হন আদামর গাবুরী তে, মনান হারী নেজার।
তারে চাদে সিগারেট উ, গদা পুরি যার।
রবু এক্কা ননেয়ি গরি, পিজার গলয়ুং নাং আন।
চোক্কুন রাঙা দেইনে মরে, ভেঙে দিলু মুয়ান।

"জুমবলা" লামা- (এক)

Morod:
gaburi tui huttun ejor,
nudinattyi guri,
more deine aador hittye,
sire niuuhri?
pinon hadi pinnyuj tui,
lager vari dol,
jedok changor tore mui,
sedok ongor owwll

mili:
mamu gort bera jiyung,
gorot firong or,
aabada guri tore delung,
nw dw chinong or.
lahlii mari horni dado,
sedok hi degor dwl,
tw rwbu dado ekki midi,
owngor mui u owl.

morod:
Rongranghulo ama goran,
punongchan mw nang an,
mad peine pei vedo mor,
jurelw poranan.
lahli mari nw hong bedo,
 huyung e hodani,
mor porichoy dilung tore,
toyanu hobe ni?

mili:
porani nang e dagon more,
ossengchuri ghor,
cidot gadei tulung tore,
monot pollw mor.
aaoj guri hongor dado,
aamaidu bera ejj.
somar banei ragelung tore
puriy nw pelej.

morod:
jum habana sari palle,
hamakkai berem bi.
hoda dilung tore mui,
ohhh poraaaaniiiii.
nagor pelung tore vedo,
chidot gaadelung.
tor poran r mor poranan,
egottor gurilung......

mili:
idot tebo tore poran,
jemoboi ikku gorot.....
cit juroni poran juroni,
olong ebaarot..
okto okto chidi ligij,
hojuli gurilung..
punongchan nangan ribeng gorot,
ligiii ragelung...

morod:
chidi legim porani tore,
cide nw gurij...
phodu 1ku dilung tore,
moreyu idot tulij...
gorot gele more 1ku phodu padessoi...
eai hospana hono din tui,
vuli nw jessoi....