আগা যেইনে পাদি দিগোই পাইনা গাত্তুরে।
আওজে হিয়ি জিনিজ আনি ফেলে দিবার চিত পুরে।
আদিক্কি গুরি সেভেন আপ হেনে আমুত্ত্যি গুরি রয়ি।
আম এক্কু পদত পেইনে পজা গান উ হিয়ি।
পাগানা রোদোত ছাদিবু লয় তে বগলা চিবেত গুরি।
সেন্দেল আদত লোইনে তে যাই হাদা অুরি অুরি।
ভাত হায় পেদ উনু, হিয়ি শুগুনি দঅক্।
হুলি হুলি দাগি তারে ইজ্জত মারন হদক।
তা মোক্কুরে নিত্তু তে, হদালোই যাদি মারে।
তোনোত মিজেল হেনে দিবু, সিগেই দিদু তারে।
বেরমা সিরেট সুদো বানি, তোনোত দুবেই তুলিজ।
এক নক সিদোল লোইনে, তোনো তাবাত গুলিজ।
তা মোক্কু অয়ি নুদি নাত্যি, চদক গত্ত ভারি।
মানা গল্লে হানিদু তা মোক্কু, হদাদি ন পারি।
পিনোন হাদি হিনি নদে, তেয়ু ন হিনে।
ব্উর ছদক মানা গরে, তা নেক্কুলোই ন জিনে।
হুলি পেদা ধন সম্পত্তি, নানাক্কান জুরেল।
এক দিন্ন্যি রেদত আগুন বাজি, ঘরান সেই অল।
টেঙা পয়জ্যি ঘরঅ সম্পত্তি, বেক্কানি আগুনে হিয়ি।
সিদিন্যি রেদোত সিয়ানি লগে, তা মোক্কুরে আরেয়ি।
মনত দুগ গরি নিত্তু তে, হানি হানি তায়।
দজাত পুরি বুজি পাল্লঅ তে, হুলি ধন গুলি যাই।
আগুনো আদত পুরি তে, বেগ আরেলঅ।
দ্বি মাজ বিদি এনে এনে, তেয়ু মুরি গেল।
লেখক-
No comments:
Post a Comment