ঐ মোনত্ জুম ঘরত্, মাধা তুলি বেল্ পহ্রত্
স্ববন দেঘি জুনো পহ্রত্, জুনি জ্বলন এহ্ল ঝারৎ-
আগি আমি নিজ ঘরত্, দেক্ক্যে আমি দোল মরদ
লাং গরিবার আওচ্(মুঞ্জুক) অলে, তুই দ’ মরে কই পারচ-
ও’ বোন জুম্মবী তুই কিয়্যা মরে ওল গরচ। (২)
দেঘা পেলে(মুজুঙ্যে এলে) বড় ঝড়ান, মাধাত্ দি’ থেচ জুমোরান
ভাঙি ফেলেছ তর ডরান, লগে আগং মুই পরান-
লাঘত পেলে(মুজুঙ্যে এলে) বড় হরান, শুগায় যদি ছড়া গাং
ভাঙি ফেলেছ তর ডরান, লগে আগং মুই পরান-
ও’ বোন জুম্মবী তুই কিয়্যা এদক উচ সরান। (২)
বগা ঝাগত্ ঝক পল্ল্যে, দেঝচ্চ্যান কবায় গজক গল্ল্যে
দেবা পহ্রান আন্ধার দেলে, জুনো পহ্রান রিপরিপ অলে
কবায় যুনি জু’ তোগেলে, সনাৎতালিই গীদ ন’ গেলে-
ঔমেই গরি ভুত্তু এলে, পরানান ত’র ছদফদেলে-
ও বোন জুম্মবী তুই উগুদো পধে ন আদিচ! (২)
উচ রাগেচ’ নিত্য মনত্, আহ্জি ন’ যেচ আন্ধার বনত্
এগা মনে সদর চিনিচ, গীদ’র লাং’আন সত্য জানিচ,
লাং গরিবার লাঘর(অক্ত) অলে, গাভুর লগে পাগত পল্ল্যে
পরান তত্তুন চিগুত(তাগত) গল্ল্যে, সমার তত্তুন মনত ধল্ল্যে
ও’ বোন জুম্মবী তুই তুইদ’ মরে কই পারচ। (২)
উভগীদত্ সুর মেলেনেই ত’ বিজক তুই রোজেই যেচ-
তত্তুন যুনি মনত্ পল্ল্যে, ত’ ললাচ(আওচ) তুই পুরেই যেচ!
ওহ বোন জুম্মবী তুই ত’ লাং’আন তুই জুরেই(সেরেই) যেচ!
No comments:
Post a Comment