জুনপচ্চ্যি রেদ গাছঅ ছাবা সেরে সেরে,
সিধিরে হুগুর আহ হালা হুগুর অর ঝাক।
এক্কা এক্কা দেগা যায়,
চেরোহিত্তে এত্তন।
চাংমা আদাম তাগ দিনে,
জোয়ার পাড়ি পাড়ি।
রিনি চা তুই পাদুলিবাপ,
এত্তন হালা হুগুর সিদিরি।
তাগল মুগর আত্যের ধুরি,
জোয়ার পাড়ি পাড়ি।
হিয়া রক্ত উদোরে যার,
দিচোগে দেগংঅর আন্দার।
ইক্কু আমি শেজ অবং,
ন থেজ জুরঅ গরি।
হবর দে তুই জুক্কোল অদোক,
বেগে আত্যের ধুরি।
জাত দেশ বাজা পুড়িবু,
লাড়েই গুরি গুরি।
এই জিংহানি হাক্কনল্লাই,
হজু পাদার পানি।
মগদা অবং একদিন বেগে,
এই হদান জানি।
মর পরান মর চিত নেই,
পুঅসা চিদে গরং।
তারার সুগই মর সুগ,
যুনিও মুই মরং।
এত্তোন তারা দাবাদাবা,
উজেই জদাবল গুরি।
উজ উজ রঅ সারি বেগে,
আত্যের ধুরি ধুরি।
আমা মাদি আমার মা,
আগে তার আশির্বাদ।
আর অ আগে গোজেন বুদ্ধর,
ন দরেয়ু পাদুলি বাপ।
হালা চিদেরে হুগুরঅ লোঅ লোই,
মা রে গাদেবং।
আদং হাজর হাজেই নিবাল্লাই,
লোঅ বান বানেবং।
লোঅ পরান দিনেই অলে,
জাত দেশ বাজেবং।
তুঅ আমি অলর গুরি চেই ন থেবং।
ফেসবুক গ্রুপঃ (চাঙমা গীত আহ্ কবিতি জোরানা) পাদাত্তুন থুবা অয়ি।
